جۇڭگو ئاخبارات تورىنىڭ 8-چىسلادىكى خەۋىرى:چەتئەل ئاخبارات ۋاستىلىرىنىڭ7-چىسلادىكى  خەۋىرىگە قارىغاندا،ئامېرىكا پرېزىدېنتى ئوبامانىڭ سايلام ئەترىتى كېيىنكى ھەپتىدە 17مىنۇت ئۇزۇنلۇقتىكى بىر ھۈججەتلىك فىلىمنى ئوتتۇرىغا چىقىرىشنى پىلانلىغان بولۇپ،ئوبامانىڭ قايتا سايلىنىشىغا پايدىلىق بولۇشى ئۈچۈن ،بۇ فىلىمدە ئوبامانىڭ بىرىنچى قېتىم ۋەزىپە ئۆتىگەندىكى ياراتقان نەتىجىلىرى چۈشەندۈرۈلىدىكەن.

ئوبامانىڭ سايلام ياردەمچىسى ماسىنانىڭ ئېيتىشىچە،بۇ فىلىم ئىلگىرى ئوسكار مۇكاپىتىغا ئېرىشكەن فىلىم‹‹سەل قاراشقا بولمايدىغان ھەقىقەت››نىڭ رېژىسسورى گۇگىنخام تەرىپىدىن ئىشلىنىدىغان بولۇپ،ئاساسلىقى ئوباما بىرىنچى قېتىملىق سايلام مەزگىلىدە دۇچ كەلگەن خىرىسلىرى شۇنداقلا ئامېرىكىلىقلار بىلەن ئىتتىپاقلىشىپ قولغا كەلتۈرگەن نەتىجىلىرى ئەكس ئەتتۈرۈلىدىكەن.

سايلام ئەترىتىنىڭ ھۈججەتلىك فىلىم ئىشلىشىدەك ئەھۋاللار بۇرۇنمۇ كۆرۈلگەن بولۇپ،بۇ ئاقىلىق سايلام ئاممىسىغا سايلام نامزاتىنىڭ ئىدىيىسى ۋە نەتىجىلىرى تونۇشتۇرۇلىدۇ.1992-يىلى كىلىنتون پرېزىدېنتلىققا سايلىنىشتىن بۇرۇن ئۆزىنىڭ تەرجىھالىنى چىقارغان ئىدى.